Зүүн бүсийн аймгуудын түүх, нийгмийн ухааны багш нарт зориулсан “Хүн худалдаалах гэмт хэргээс урьдчилан сэргийлэх нь” сэдэвт сургалт боллоо.

Швейцарийн хөгжлийн агентлагийн санхүүжилтээр Хүний эрх хөгжил төв, Хүний аюулгүй байдлын судалгааны төв хамтран Дорнод аймгийн Чойбалсан суманд 2009 оны 4-р сарын 16-17-ны өдрүүдэд “Хүн худалдаалах гэмт хэргээс урьдчилан сэргийлэх нь” сэдэвт сургалтыг зохион байгууллаа.

Сургалтанд Дорнод, Сүхбаатар, Хэнтий аймгийн түүх, нийгмийн ухааны багш нар оролцсон бөгөөд ЕБС-ын ахлах ангид ордог “Иргэншил”, “Хүний эрх” зэрэг хичээлийн хөтөлбөрт хүн худалдаалах гэмт хэргийн талаар сэдэв орох гэж байгаатай холбогдуулан багш нарыг энэ гэмт хэргийн талаар мэдлэг, мэдээлэлтэй болгох зорилготой юм. Дээрх 3 аймгаас нийт 30 багш оролцсоноос 15 багш нь хөдөө сумаас ирсэн байв.